share 從戲票到飛機票

噚晚趁住個仔被人俘虜咗，兩公婆走咗去睇春嬌與志明。由於臨時決定去睇，下午6點幾已經發現7點半得番頭果兩行，而10點鐘雖然多少少，但中後排最靚既位置都賣晒，得返兩邊同前排既位置，後尾都買咗側邊，不過好彩係最後一排，都唔算太唔舒服。

聽老豆講，佢細果既時候，戲院有分大堂前座、後座同埋超等，每道既票價都唔同，直到而家啲戲院迷你化之後，先至全院劃一價錢。

從經濟學既角度，其實每個位置都可以帶俾觀眾唔同既享受，例如大堂正中睇戲，就唔駛岳高個頭，又唔駛側住個身，應該可以賣多一啲錢，而前排同兩邊既坐位，就應該賣平少少。如果能夠用到呢種price discrimination,而同時全院爆滿既話，票房收入應該比劃一票價高一啲。

但呢種方法最大既問題就係點樣執行，因為每一套戲吸引到既客都唔同，院方喺現實情況下比較難定價，價格太高，就會造成好多門票賣唔出。門票太低，就算全院滿座，就收唔到最大既益處。

況且客戶方面又慣咗同一個價錢買飛，佢地大數情只會覺得自要佢俾多蚊去買中間既飛(甚至又話香港有戲院霸權)，而好少會覺得自己可以平幾蚊買較差既位置去欣賞同一套戲。

但呢個世界上有一啲公司真係可以將price discrimination發揮得淋漓盡致，就係航空公司，當你買機票既時候 ，因為同一架飛機除咗頭等、商務同經濟倉外，仲分咗B、K、Y ……等等90幾個級別，就算同一個級別，唔同預定日期、唔同既旅行社又會有唔既價錢，你只會知道自己(或者同行既)買咗幾錢，但你永遠唔會知道坐你隔離果個，係唔係同你俾埋同一個價錢。

期權倉詳情：

股票期權

成立日期：2012年3月27日
倉位： 沽出3張中移動4月認購@82.5
沽出價：2.9
現價：2.2
按金要求：13,605
現金結餘：24,196
開倉基金：19,846

 

恆指期權

成立日期：2012年3月30日

倉位：沽出3張恆指4月認購@20400
沽出價：475
現價：433
按金要求：32，355
現金結餘：77，540
開倉基金：77，726