share 免費既中移動過山車

上星期差唔多成都係病中渡過，搞到完全無理過任何投資咁滯，本來上星期五見到隻中移動再次升空，今個月既股票期權都應該凍過水，但好好彩中移動今日又表演跳水，單日下挫超過3%，結果俾咗我一度逃生門，雖然仍然要蝕少少，但總算無夾死，繼三月之後，又玩咗一次中移動過山車。展望五月，主題仍舊係五絕，造淡仍然向中移動埋手，所以沽咗@82.5既call。

但連續兩個月既大幅波動，令我更加決定要減少單一股票既投機，下個月會搬啲錢過恆指倉。

至於恆指倉方面，今日急跌差唔多將上個星期既升幅食晒，結果期權又處於有微利既狀態，只要今個星期頂住喺20400樓下，咁最後果300點又可以食埋嘞！

至於期權倉實際表現，今晚稍後更新。